كل شاشة في مجموعة "المحاسبة": هدفها، ومين يستخدمها وبأي صلاحية، وخطوات مرقّمة بالصور. لو المصطلحات جديدة عليك، اقرأ الأول المحاسبة (1): المبادئ والدورة العملية.
☰ القائمة في هذا الباب 30.10.0
المحاسبة وحدة إضافية (تُفعَّل من الوحدات والباقة)، وكل شاشاتها في مجموعة "المحاسبة" بالقائمة الجانبية، وكل شاشة بصلاحيتها (يمنحها المالك من الأدوار). لا تحتاج تغيير طريقة الشغل اليومية: الاستقبال والمتجر والمصروفات والرواتب تُسجَّل كما هي، والبرنامج يكتب القيود المحاسبية منها تلقائياً.
اختار أساس المحاسبة (1): الاستحقاق (الافتراضي والأدق — ليه؟) أو النقدي المبسط. الأساس يتثبت بعد أول إقفال شهر.
اختار تاريخ بدء الترحيل (2): الافتراضي أول السنة المالية الحالية، وأقدمه أول السنة السابقة. كل اللي قبله يدخل في الأرصدة الافتتاحية.
اضغط "إرسال".
نافذة التفعيل: (1) الأساس (2) تاريخ البدء
الخطوة 2: الأرصدة الافتتاحية وتوليد القيود
بعد التفعيل يظهر في أعلى المعالج أربعة أزرار:
المعالج بعد التفعيل: الأزرار الأربعة بالترتيب
"بناء الأرصدة الافتتاحية وتوليد القيود" (1): البرنامج يحسب الافتتاحي من عمليات ما قبل تاريخ البدء (الخزن والبنوك، والمؤجلات على اللاعبين، والموردين، والسلف والعهد، والمخزون، والنقاط)، وبعدين يولّد قيد لكل عملية من تاريخ البدء لحد النهارده. الشغل ده بيتم في الخلفية وتقدر تكمل شغلك، والتقدم ظاهر في القسم 4 من المعالج. ولو ضغطته تاني بعدين، بيرحّل الفرق بس.
"الأرصدة اليدوية" (2): الحاجات اللي البرنامج ما يعرفهاش — الأصول الثابتة، والقروض، ورأس المال — تضيفها سطر سطر (حساب ومدين أو دائن).
"اعتراف حتى اليوم" (3): يعمل الاعتراف بالإيراد للشهر الجاري لحد النهارده. الشهور اللي فاتت بتتعمل تلقائياً يوم 1 الساعة 4 الفجر.
"تحويل الأرصدة الافتتاحية" (4): بعد ما تخلّص، الفرق اللي فاضل في حساب 3104 أرصدة افتتاحية (مؤقت) تحوّله لرأس المال أو الأرباح المحتجزة، فيبقى المؤقت صفر.
"الأرصدة اليدوية": (1) إضافة سطر — لكل سطر حساب وفرع ومدين أو دائن وبيان
بعد التفعيلكل عملية جديدة في أي شاشة بتترحّل لوحدها لحظة حفظها. وإغلاق الوحدة بعدين ما بيمسحش حاجة، ولو فتحتها تاني بتكمل من مكان ما وقفت.
الخطوة 3 في المعالج: مراجعة الربطلو ظاهر "عناصر بلا حساب مربوط: 2"، يبقى في خزنة أو بند أو نشاط عملياته هتروح للحساب المعلق. افتح ربط الحسابات واربطهم قبل أول إقفال.
2 شجرة الحسابات وربط الحسابات 30.10.0
المحاسبة ← شجرة الحسابات / ربط الحسابات
الهدف
الشجرة: كل حسابات النادي بأكوادها وأرصدتها (إيه هي الشجرة؟). الربط: أي حساب في الشجرة تاخده كل خزنة وبنك وبند مصروف ونشاط ومجموعة منتجات.
مين يستخدمها
المحاسب أو المالك. الصلاحية: "شجرة الحسابات وربطها وإعدادات المحاسبة". والتصدير لـ Excel محتاج صلاحية التصدير.
شجرة الحسابات
الشجرة بتيجي جاهزة بالعربي والإنجليزي: الأصول 1، والخصوم 2، وحقوق الملكية 3، والإيرادات 4، والمصروفات 5، والمعلق 9. والبرنامج بيعمل حساب فرعي لوحده لكل خزنة وبنك ونشاط.
(1) حساب جديد (2) الكود — الترتيب الافتراضي (3) حساب نظام (4) الرصيد الحالي لكل حساب
لإضافة حساب (مثلاً "صيانة الأجهزة" تحت مصروفات التشغيل):
اضغط "حساب جديد".
اختار الحساب الأب (1) — مثلاً 5301 مصروفات تشغيل. النوع بيتاخد من الأب.
الكود (2): سيبه فاضي ياخد الكود اللي بعده تلقائياً (530108)، أو اكتبه بنفسك.
اكتب الاسم بالعربي (والإنجليزي لو عايز). وخانة "الكود في برنامج المحاسب" اختيارية — بتظهر في ملف التصدير جنب كودنا.
حساب تجميعي (3): فعّله لو الحساب ده "عنوان" تحته حسابات، ومش هيتقيد عليه مباشرة.
الطرف (4): لو الحساب بيتابع أشخاص (لاعبين، موردين، موظفين...)، اختار نوع الطرف، فيبقى ليه كشف حساب لكل طرف.
اضغط "إرسال".
نافذة "حساب جديد"
حسابات النظامالحسابات المكتوب تحتها "حساب نظام" (الخزن، المدينون، الإيراد المقدم، الأرباح المحتجزة، المعلق...) البرنامج بيرحّل عليها تلقائياً: تقدر تغيّر اسمها بس، لكن لا تتمسح ولا يتغير نوعها. وأي حساب عليه قيود ما يتمسحش — اعمله "غير نشط".
ربط الحسابات
الربط بيتعمل تلقائياً عند التفعيل، والشاشة دي علشان تراجعه أو تفصّله أكتر.
(1) التبويبات (2) الحساب لكل عنصر (3) حفظ الربط
اختار التبويب (1): الخزن والأدراج، البنود (مصروفات وإيرادات المالية)، الأنشطة، طرق الدفع، مجموعات المنتجات، مقدمو الخدمات. الرقم الأحمر جنب التبويب = عناصر من غير حساب.
(1) قيد يدوي جديد (2) الفلاتر (3) النوع: آلي / يدوي / اعتراف بالإيراد... (4) عرض القيد
استخدم الفلاتر (2): الفترة، والنوع، والحالة (مسودة / مرحّل)، والحساب — مثلاً كل القيود اللي لمست حساب البنك الشهر ده.
اضغط "عرض" (4) على أي قيد: يفتح السند بأسطره (الحساب، والطرف، والمدين، والدائن) و"فتح العملية الأصلية" للقيد الآلي — الإيصال أو الفاتورة أو المصروف اللي ولّده. ومن السند: طباعة، وحفظ PDF، ومشاركة. (شوف صور السندات في الدورة العملية.)
القيد المرحّل ما يتعدّلش
القيد الآلي بيتصحح لوحده: لو لغيت الإيصال أو عدّلت المصروف، البرنامج يكتب قيد تعديل بتاريخ النهارده. ما تعملش قيد يدوي للتصحيح.
القيد اليدوي بيتصحح بزر "عكس القيد": تختار تاريخ العكس والسبب، والبرنامج يكتب قيد عكسي بنفس الأسطر مقلوبة، وبعدين تعمل القيد الصح.
نافذة "عكس القيد": التاريخ والسبب
القيد اليدوي
للتسويات اللي مالهاش عملية في البرنامج: مصروف مستحق ما اتدفعش، قرض، رأس مال، تصحيح تصنيف. مثال: صيانة تكييف بـ 1,200 اتعملت في أكتوبر والفاتورة لسه ما اتدفعتش.
من القيود اليومية اضغط "قيد يدوي جديد".
اكتب التاريخ (1) والفرع والبيان. التاريخ لازم يكون في شهر مش مقفول.
المرفق (2): صورة الفاتورة أو المستند (ممكن تصوّرها بالكاميرا). المرفق ممكن يكون إجباري حسب إعدادات النادي.
في كل سطر اختار الحساب (3) واكتب المبلغ في خانة مدين أو دائن — مش الاتنين. وممكن تحدد الطرف ومركز التكلفة وبيان للسطر. هنا: 530103 صيانة مدين 1,200، و2112 مصروفات مستحقة دائن 1,200.
محتاج أكتر من سطرين؟ "إضافة سطر" (4).
راقب سطر الإجمالي (5): لازم يبقى أخضر والفرق 0.00.
"حفظ مسودة" (6) لو لسه هتراجعه (ما بيأثرش على الأرصدة)، أو "ترحيل" (7).
قيد يدوي متوازن: المدين = الدائن = 1,200قيد غير متوازن: البرنامج يرفض ترحيله لحد ما الفرق يبقى صفر
لما المورد يتدفع لهتسجّل الدفع عادي من المالية (مصروف أو سداد مورد)، وبكده تقفل المستحق. ما تسجّلش المصروف مرتين.
القيود المتكررة
لقيد بيتكرر بنفس الأرقام: اشتراك خدمة، أو قسط تأمين، أو إيجار مستحق. البرنامج ينشئه لوحده في يومه.
(1) قالب جديد (2) الموعد القادم (3) توليد الآن (4) إيقاف مؤقت
اضغط "قالب جديد"، واكتب الاسم والبيان والفرع.
التكرار (1): شهري، أو كل 3 شهور، أو سنوي. ويوم القيد (2): من 1 لـ 28، أو "آخر يوم في الشهر".
أول موعد من، وبعدين اختار نهايته: حتى تاريخ أو عدد المرات (3) — أو سيبهم فاضيين يفضل شغّال.
ترحيل تلقائي (4): من غيره القيد بيتعمل مسودة يراجعها المحاسب من القيود اليومية ويرحّلها. ولو فعّلته بيترحّل على طول.
قالب "اشتراك برنامج الحسابات السحابي": شهري يوم 1 لمدة 12 مرة
المتكرر للاستحقاقات بسأسطر القالب ما تقبلش الخزن والبنوك: المتكرر بيثبت المصروف المستحق (مدين المصروف / دائن مصروفات مستحقة)، والدفع الفعلي بيتسجل من المالية لما يحصل.
4 دفتر الأستاذ وميزان المراجعة 30.10.0
المحاسبة ← دفتر الأستاذ وكشف الطرف / ميزان المراجعة
الهدف
دفتر الأستاذ: كل حركة على حساب واحد والرصيد بعدها، أو كشف حساب طرف (لاعب، مورد، موظف). الميزان: رصيد كل الحسابات في جدول واحد، مع فحص التوازن.
مين يستخدمها
المالك والمدير والمحاسب. الصلاحية: "لوحة المحاسبة والقيود اليومية ودفتر الأستاذ وميزان المراجعة". والتصدير لـ Excel محتاج صلاحية التصدير.
دفتر الأستاذ وكشف الطرف
اختار الحساب (1) — مثلاً درج الوردية أو البنك أو مصروف الصيانة.
حدد الفترة: اليوم، هذا الشهر، الشهر الماضي، أو من/إلى.
الجدول يبدأ بـ رصيد أول المدة، وبعده كل حركة بتاريخها ورقم قيدها (اضغط الرقم يفتح القيد) والبيان والمدين والدائن، والرصيد (2) بعد كل حركة، وفي الآخر رصيد آخر المدة.
(1) الحساب (2) الرصيد الجاري
كشف حساب طرف: لو الحساب بيتابع أطراف (المدينون — اللاعبون، الموردون، سلف الموظفين...) تظهر قائمة نوع الطرف واختيار الطرف، فيبقى الجدول كشف حساب للشخص ده بس — مثلاً كل اشتراكات لاعب ومدفوعاته والباقي عليه (الصورة في الدورة العملية).
ميزان المراجعة
(1) المستوى (2) بعد قيد إقفال السنة (3) الفترة (4) تصدير Excel (5) فحص التوازن
اختار المستوى (1): رئيسي (1، 2، 3...)، أو فرعي (1101، 2102...)، أو تفصيلي (كل خزنة ونشاط).
اختار الفترة (3). الأعمدة: أول المدة مدين/دائن، وحركة الفترة مدين/دائن، وآخر المدة مدين/دائن.
بص على السطر الأعلى (5): "الميزان متزن ✔" يعني مجموع المدين = مجموع الدائن في كل عمود.
"بعد قيد إقفال السنة" (2): بعد إقفال سنة، اختار تشوف الميزان قبل قيد الإقفال (الإيرادات والمصروفات بأرقامها) أو بعده (اتحولوا للأرباح المحتجزة).
للمحاسب الخارجي: "تصدير Excel" (4)، أو طباعة / PDF.
كل تقارير المحاسبةفيها طباعة A4 وإيصال 80mm، وحفظ PDF، ومشاركة، وتصدير Excel — بنفس الأرقام اللي على الشاشة.
5 سلامة الترحيل 30.10.0
المحاسبة ← سلامة الترحيل
الهدف
تتأكد إن كل عمليات البرنامج اتحولت لقيود صح: مفيش عملية من غير قيد، ومفيش رصيد في الحساب المعلق، والخزن في الدفتر = الخزن في المالية.
مين يستخدمها
المحاسب — مرة في الأسبوع على الأقل، ودايماً قبل إقفال الشهر. العرض بصلاحية العرض، وإعادة ترحيل المعلق بصلاحية "عكس القيد اليدوي وإعادة ترحيل المعلق".
(1) رصيد المعلق — لازم 0.00 (2) العمليات غير المرحّلة لكل نوع (3) رحّل غير المرحّل الآن (4) إعادة ترحيل المعلق
بص على رصيد الحساب المعلق (1). لو مش صفر: في عمليات حسابها مش مربوط.
بص على جدول العمليات غير المرحّلة (2): عدد كل نوع عملية (قيد مالي، فاتورة متجر، شراء، مخزون، مرتب، اشتراك...) بعد تاريخ البدء ومالهاش قيد. السبب غالباً خطأ وقت الحفظ أو إن الوحدة كانت مقفولة. الفحص الليلي بيرحّلهم لوحده، أو اضغط "رحّل غير المرحّل الآن" (3).
لو المعلق مش صفر: افتح ربط الحسابات، اربط العنصر الناقص، وارجع اضغط "إعادة ترحيل المعلق" (4). البرنامج يكتب قيد تصحيح ينقل المبالغ من المعلق للحساب الصح.
آخر جزء في الشاشة "مطابقة الخزن والأدراج": رصيد كل خزنة في الدفتر المحاسبي جنب رصيدها في دفتر الحركات (المالية). العلامة ✔ = متطابقين.
قبل إقفال أي شهرالمعلق = 0.00، والعمليات غير المرحّلة كلها 0، والخزن متطابقة. إقفال الفترات بيفحص ده بنفسه ويمنع الإقفال لو في مشكلة.
6 التسوية البنكية 30.10.0
المحاسبة ← التسوية البنكية
الهدف
مطابقة كشف البنك (أو المحفظة أو بوابة الدفع) مع حركة الحساب في البرنامج سطر بسطر، لحد ما كل فرق يبقى معروف سببه (ليه التسوية مهمة؟).
مين يستخدمها
المحاسب — كل شهر لكل بنك. الصلاحية: "التسوية البنكية". وتسجيل حركة من سطر الكشف محتاج كمان صلاحية تسجيل عمليات المالية.
الخطوة 1: كشف جديد
اضغط "كشف جديد"، واختار الحساب (1): البنك أو المحفظة.
مصدر الأسطر (2): رفع ملف Excel / CSV اللي نزّلته من البنك (وأول مرة حدد أسماء الأعمدة: التاريخ، البيان، المرجع، والمبلغ أو مدين/دائن — وبتتحفظ للبنك ده)، أو إدخال يدوي لو الأسطر قليلة.
الفترة من/إلى (فاضية = من أول تاريخ لآخر تاريخ في الأسطر).
الرصيد أول الكشف (3) والرصيد آخر الكشف (4) زي ما هما في كشف البنك. لو سيبت الأخير فاضي = الأول + مجموع الأسطر.
في الإدخال اليدوي: كل سطر تاريخ وبيان ومرجع ومبلغ — موجب = وارد للحساب وسالب = صادر منه (زي العمولة −85). و"إضافة سطر" (5) لسطر جديد.
نافذة "كشف جديد" بإدخال يدوي
أول كشف لكل بنكابدأه من أول حركة للحساب في البرنامج (أو من تاريخ بدء المحاسبة) برصيد أول = رصيد البنك وقتها. لو بدأت من نص المدة، كل حركات الدفتر اللي قبل الكشف هتظهر "في الدفتر ولم تظهر في البنك" ويطلع فرق. الكشوف اللي بعده تكمّل من آخر كشف.
الخطوة 2: المطابقة
بعد الحفظ البرنامج يطابق تلقائياً اللي متأكد منه (نفس المرجع والمبلغ)، ويعرض الباقي في "مطابقات مقترحة للتأكيد" (نفس المبلغ في تاريخ قريب):
(1) سطر الكشف (2) قيد البرنامج المقترح (3) "تأكيد" — الصفوف بعد الثالث مخفية للتوضيح
راجع كل اقتراح واضغط "تأكيد" (3) لو صح. زر "مطابقة آلية" فوق يعيد البحث بعد أي تعديل.
اللي فاضل يظهر في عمودين: "حركات البنك غير المطابقة" و"حركات البرنامج غير المطابقة". لمطابقة يدوية: علّم سطر بنك واحد وسطر أو أكتر من البرنامج بنفس المجموع (مثلاً تسوية بوابة دفع بإيداع واحد لعدة مدفوعات) واضغط "مطابقة المحدد".
حركة في البنك مش في البرنامج — عمولة، فوائد، مصاريف تحويل: اضغط "تسجيل حركة" على السطر واختار البند. البرنامج يسجّل المصروف أو الإيراد على الحساب بتاريخ السطر ويطابقه.
(1) في البنك ومش في البرنامج (هنا فوائد 12.50) (2) في البرنامج ومش في البنك (3) تسجيل حركة (4) مطابقة المحدد"تسجيل حركة": البند (مصروف أو إيراد حسب إشارة السطر) والبيان والمستند
تحويل من لاعب؟لو السطر تحويل لاعب دفع اشتراك، ما تسجّلوش "إيراد متنوع": سجّل الدفع من الاستقبال على اشتراكه (طريقة دفع تحويل بنكي) وبعدين طابقه — كده المؤجل بيتسدّد على اللاعب صح.
الخطوة 3: تقرير التسوية والاعتماد
(1) إيداعات في الطريق: في الدفتر ولسه ما ظهرتش في البنك (2) الفرق 0.00 (3) متزنة (4) اعتماد التسوية
الملخص فوق بيحسب: رصيد البنك − اللي في البنك ومش في الدفتر + اللي في الدفتر ومش في البنك = الرصيد المعدَّل، ولازم يساوي رصيد الدفتر. في المثال: 42,105 − 0 + 1,070 (إيداعين يوم 08/10 لسه ما نزلوش في الكشف) = 43,175 = الدفتر.
لما يظهر "التسوية متزنة ✔" (3) وكل الأسطر مطابقة، اضغط "اعتماد التسوية" (4). الكشف المعتمد ما يتعدّلش.
اطبع "تقرير التسوية" أو احفظه PDF لملف الشهر.
الإيداعات اللي "في الطريق" هتتطابق في كشف الشهر الجاي.
بنك من غير تسوية 30 يومبيظهر تنبيه في لوحة المحاسبة وتنبيهات المالك، وإقفال الشهر بيطلب التسوية أو سبب لتخطيها.
7 القوائم المالية ولوحة المحاسبة 30.10.0
المحاسبة ← القوائم المالية / لوحة المحاسبة
الهدف
القوائم الأربعة (كل قائمة بتجاوب على إيه؟) لأي فترة، بمقارنة بفترة تانية. واللوحة: نظرة سريعة على الأرقام المهمة النهارده.
مين يستخدمها
المالك والمدير العام والمحاسب. القوائم: صلاحية "القوائم المالية وأعمار الديون وربحية الفروع". اللوحة: صلاحية العرض.
القوائم المالية
(1) التبويبات الأربعة (2) المقارنة (3) مركز التكلفة (4) المستوى (5) الفترة (6) الطباعة والتصدير
اختار القائمة من التبويبات (1): قائمة الدخل، الميزانية العمومية، التدفقات النقدية، التغير في حقوق الملكية.
المقارنة (2): الفترة السابقة (نفس الطول — الافتراضي)، أو نفس الفترة من السنة الماضية، أو بلا مقارنة. البرنامج يعرض الفرق ونسبته لكل بند.
مركز التكلفة (3): قائمة دخل لفرع أو نشاط واحد بس.
المستوى (4): رئيسي أو فرعي أو تفصيلي (زي الميزان).
الفترة (5)، وبعدين طباعة A4 / 80mm، أو PDF، أو Excel (6).
قائمة الدخل مرتبة كده: الإيرادات − الخصومات = صافي الإيرادات − تكلفة البضاعة = مجمل الربح − المصروفات = صافي الربح. (صورة قائمة الدخل مقصوصة على الجيم في الدورة العملية.)
الميزانية العمومية في آخر يوم في الفترة: الأصول = الخصوم + حقوق الملكية. ربح السنة اللي لسه ما اتقفلتش بيظهر في سطر "أرباح الفترات غير المقفلة" لحد إقفال السنة، وتحت الكل "الميزانية متزنة".
التدفقات النقدية
(1) النقدية أول المدة (2) صافي التشغيل (3) الاستثمار والتمويل (4) النقدية آخر المدة (5) فحص المطابقة
النقدية هنا = الخزن والأدراج والبنوك والمحافظ — من غير جهات التحصيل والشيكات تحت التحصيل (لسه فلوس ما وصلتش).
التشغيلية: الفلوس من الشغل اليومي (اشتراكات، متجر، مرتبات، مصروفات). الاستثمارية: شراء وبيع الأصول. التمويلية: رأس المال والقروض ومسحوبات الشركاء.
السطر فوق: "أول المدة + صافي التغير = آخر المدة ✔" — يعني القائمة مطابقة لرصيد النقدية الفعلي.
التغير في حقوق الملكية
لكل حساب حقوق ملكية: أول المدة + زيادة − نقص = آخر المدة
بتوضح نصيب المالك اتغير إزاي: رأس مال اتضاف، مسحوبات شريك، وربح أو خسارة الفترة. وحساب 3104 أرصدة افتتاحية (مؤقت) لو ظاهر فيها، يبقى لسه ما اتحوّلش من المعالج.
فروع بعملات مختلفةكل عملة في تقرير لوحدها (اختار العملة فوق) — البرنامج ما بيجمعش عملتين أبداً. والاختيار "الكل (محوّل)" بيترجم العملات بأسعار الصرف المسجلة ويعرض سطر "فروق ترجمة العملات".
لوحة المحاسبة
(1) النقدية الآن (2) ذمم العملاء والموظفين (3) مستحق للموردين (4) إيرادات مقدمة (5) ربح الشهر حتى اليوم ومقارنته (6) التنبيهات
صافي ربح الشهر حتى اليوم بيتقارن بنفس الأيام من الشهر اللي فات. في أساس الاستحقاق ممكن يطلع سالب أول الشهر: المرتبات والإيجار بيتسجلوا بدري، والاعتراف بإيراد الاشتراكات بيتعمل آخر الشهر (أو بزر "اعتراف حتى اليوم").
التنبيهات (6): رصيد في المعلق، أو بنك من غير تسوية معتمدة آخر 30 يوم، أو الشهر اللي فات لسه مش مقفول.
(1) حسب: الأنشطة أو الفروع (2) توزيع المصروفات المشتركة (3) صافي الربح (4) هامش الربح %
حسب (1): الأنشطة (جيم، سباحة، كاراتيه...) أو الفروع.
توزيع المصروفات المشتركة (2) — الإيجار والكهرباء وغيرها اللي مش تبع نشاط واحد: بنسبة الإيراد، أو بعدد اللاعبين، أو بعدد مرات الحضور، أو بلا توزيع (يظهر سطر "غير موزّع"). التوزيع ده في التقرير بس — ما بيغيّرش الدفاتر.
لكل نشاط: الإيراد − المصروف المباشر − مرتبات الكباتن (مرتب الكابتن بيتوزع على أنشطته بنسبة حضور حصصه في الفترة) − نصيبه من المشترك = صافي الربح (3) وهامش الربح (4).
استخدمها في القرارنشاط إيراده عالي وهامشه ضعيف = تكلفة كباتنه أو مساحته كبيرة. جرّب مفتاح توزيع مختلف قبل ما تحكم — النتيجة ممكن تتغير كتير.
أعمار الديون
(1) النوع (2) في تاريخ (3) شرائح الأعمار (4) أكتر من 90 يوم بالأحمر (5) تذكير واتساب
اختار النوع (1): ذمم العملاء والموظفين (المؤجلات على اللاعبين وآجل الموظفين) أو الموردون (اللي على النادي).
في تاريخ (2): الأعمار محسوبة لحد اليوم ده.
كل طرف ورصيده متقسّم على 0–30 / 31–60 / 61–90 / أكتر من 90 يوم (3). السداد بيطفي أقدم دين الأول.
"تذكير واتساب" (5): رسالة للاعب بالمبلغ المستحق (مرة واحدة في اليوم لنفس اللاعب).
أكتر من 90 يومالدين ده احتمال تحصيله ضعيف. راجعه مع اللاعب، ولو اتقرر شطبه يتشطب من ملف اللاعب (شطب المؤجل) فيتسجل ديون معدومة.
الموازنة التقديرية
اضغط "موازنة جديدة": السنة والاسم. ولو عندك سنة فاتت، فعّل "من فعلي السنة السابقة" واكتب "زيادة / نقص %" (مثلاً 10).
"تعديل الأسطر": لكل حساب (وفرع لو حابب) اكتب المبلغ السنوي فيتوزع بالتساوي على الشهور، أو سيبه فاضي واكتب كل شهر لوحده (مفيد للمواسم: الصيف للسباحة مثلاً).
"اعتماد": الموازنة المعتمدة ما تتعدّلش — التعديل بـ "نسخة جديدة" (v2) وتفضل القديمة للرجوع.
(1) موازنة جديدة (2) الحالة: معتمدة (3) نسخة جديدة للتعديلالموازنة مقابل الفعلي: (1) حتى شهر / من أول السنة (2) الانحراف — الأخضر لصالح النادي
في "الموازنة مقابل الفعلي" اختار الشهر، و"من أول السنة" للتراكمي. الانحراف الموجب لصالح النادي: إيراد أعلى من المقدر، أو مصروف أقل منه.
9 إقفال الفترات والأصول الثابتة 30.10.0
المحاسبة ← إقفال الفترات / الأصول الثابتة
الهدف
الإقفال: تثبيت أرقام كل شهر بعد مراجعته (ليه؟). الأصول: سجل الأجهزة والأثاث وإهلاكها الشهري (إيه هو الإهلاك؟).
(1) الشهر التالي للإقفال (2) قائمة الفحص: مانع / تحذير / معلومة (3) زر الإقفال (4) الشهور المقفولة ومين قفلها
الإقفال بالترتيب: الشاشة بتعرض الشهر التالي للإقفال (1) بس.
راجع قائمة الفحص (2):
مانع لازم يتحل: عمليات فشل ترحيلها، مسودات قيود بتاريخ الشهر، الاعتراف بالإيراد للشهر، إهلاك الأصول للشهر (زرار "تشغيل الآن" للاتنين الأخيرين موجودين في نفس الشاشة).
تحذير ممكن يتعدّى بسبب مكتوب: عمليات لسه ما اترحّلتش، رصيد المعلق، أصول تحت التسجيل، بنوك من غير كشف معتمد، عمليات من غير مستند إلزامي.
اضغط "إقفال" (3). لو فيه تحذير، اكتب السبب في النافذة — بيتحفظ مع الإقفال.
نافذة الإقفال: قائمة الفحص وسبب تجاوز التحذير
الإقفال محاسبي بسالاستقبال والبيع والمصروفات بتشتغل عادي. عملية اتسجلت متأخرة بتاريخ شهر مقفول بتترحّل في أول يوم مفتوح، بملاحظة فيها تاريخها الأصلي — والقيد اليدوي بتاريخ شهر مقفول مرفوض.
إقفال السنة: بعد إقفال شهورها الـ 12، زر "إقفال السنة" يعمل قيد بتاريخ آخر يوم يحوّل الإيرادات والمصروفات للأرباح المحتجزة. وإعادة الفتح للمالك بس، بسبب، وآخر شهر مقفول الأول.
الأصول الثابتة والإهلاك
(1) أصل جديد (2) إهلاك حتى الشهر (3) التكلفة ومجمع الإهلاك والقيمة الدفترية (4) جدول الإهلاك
اضغط "أصل جديد" (1): اسم الأصل (1 في النافذة) والفرع، وحساب الأصل (2): أجهزة رياضية، أثاث، كمبيوتر، تجهيزات، وتاريخ الشراء (3).
بداية الإهلاك (4): فاضية = أول الشهر اللي بعد الشراء.
التكلفة (5) وقيمة الخردة (اللي هيتباع بيها في الآخر — غالباً صفر) والعمر بالشهور (6) — البرنامج يكتب تحته "60 شهراً = 5 سنوات".
طريقة الإهلاك (7): القسط الثابت (نفس المبلغ كل شهر — الأشهر)، أو المتناقص بنسبة سنوية (أكبر في الأول).
التمويل (8) — الأصل اتدفع منين؟ أصول تحت التسجيل (1205) لو اتسجل في المالية ببند "شراء أصول" (الافتراضي)، أو إعادة تصنيف مصروف مسجل (تختار عملية المصروف)، أو مساهمة رأس مال، أو قبل بدء المحاسبة (افتتاحي).
اختياري: حساب مجمع الإهلاك ومصروفه (الافتراضي من الشجرة)، ومركز التكلفة، وجهاز الصيانة المرتبط (لو الأصل جهاز في الصيانة)، والمورد، وصورة الفاتورة.
بعد الحفظ اضغط "إهلاك حتى الشهر" (2 في السجل) واختار الشهر، أو سيبه يتعمل وقت الإقفال.
نافذة "أصل جديد" — الأرقام بنفس ترتيب الخطوات
مثال من الديموسير جري بـ 60,000، اتشرى 01/08/2026، عمره 60 شهر قسط ثابت: الإهلاك 1,000 في الشهر من سبتمبر. بعد ترحيل سبتمبر وأكتوبر: مجمع الإهلاك 2,000 والقيمة الدفترية 58,000 — زي الصورة.
"جدول الإهلاك": كل شهر بقسطه والقيمة الدفترية بعده
بيع أو استبعاد أصل: زر "استبعاد / بيع" — التاريخ وسعر البيع (أو صفر للتخريد)، والبرنامج يحسب ويرحّل الربح أو الخسارة (حساب 4150).
10 التصدير والمحاسب الخارجي ومطابقة الإقرار 30.10.0
اختار نوع الملف (1): القيود اليومية (سطر لكل سطر قيد)، أو شجرة الحسابات، أو ميزان المراجعة، أو الأرصدة في تاريخ.
الفترة (2). وبعد أول تصدير يظهر زر "من آخر تصدير (التاريخ)" علشان تكمّل من مكان ما وقفت المرة اللي فاتت من غير تكرار.
"تصدير" (3). لحد 200 ألف سطر بيتحمّل على طول، والأكبر بيتجهز في الخلفية ويوصلك إشعار برابط تحميل ليك إنت بس لمدة 7 أيام.
الكود في برنامج المحاسبلو المحاسب بيستخدم أكواد مختلفة، اكتبها مرة في خانة "الكود في برنامج المحاسب" لكل حساب في الشجرة، فتطلع في الملف جنب كودنا.
المحاسب الخارجي
اضغط "محاسب خارجي جديد": الاسم (1) واسم المستخدم (2) — والإيميل والموبايل اختياري.
كلمة مرور مؤقتة (3): ابعتها للمحاسب بنفسك، وهو هيغيّرها أول ما يدخل. ومتاح حتى (4): الافتراضي بعد 3 شهور.
الحساب للقراءة فقط: لوحة المحاسبة والقيود والقوائم والتصدير — من غير أي تعديل. ولازم يفعّل المصادقة الثنائية أول دخول.
بيتقفل لوحده بعد تاريخ الانتهاء، وتقدر تمدّه أو توقفه بضغطة. وما بيتحسبش من مستخدمي الباقة.
نافذة "محاسب خارجي جديد"
مطابقة الإقرار الضريبي
(1) المخرجات من المستندات الضريبية (2) المخرجات في الدفتر (2104) (3) الفرق (4) الصافي المستحق (5) قيد تسوية الإقرار — الأرقام أصفار لأن نادي الديمو بلا ضريبة
اختار الفترة (شهر الإقرار).
قارن ضريبة المخرجات من المستندات (1) — نفس أرقام الإقرار — بـحساب 2104 في الدفتر (2). الفرق (3) لازم يبقى 0.00 ✔.
لو فيه فرق، جدول الفروق تحت بيقولك السبب سطر سطر: مستند عمليته فشل ترحيلها، أو سطر يدوي على حساب الضريبة، أو قيد بتاريخ خارج الفترة.
واتساب للتنبيهات المهمة (3): كل التنبيهات بتوصل إشعار على الموبايل، والمهمة بس بتوصل واتساب كمان (رصيد بنك أقل من حده، شيك مرفوض، شيكات صادرة أكبر من رصيد البنك).
قسم الشيكات: تنبيه قبل الاستحقاق بكام يوم.
قسم المحاسبة: فعّل اللي محتاجه واكتب حدوده — وفي "حد لكل حساب" (4) اكتب أقل رصيد مقبول لكل بنك أو محفظة.
"حفظ".
التنبيه
إمتى
واتساب؟
مصروف كبير
أكبر من مبلغ تكتبه، أو من أضعاف متوسط بنده آخر 90 يوم
إشعار بس
رصيد بنك / محفظة أقل من حده
أقل من الحد اللي كتبته للحساب
✔
رصيد في المعلق أو أخطاء ترحيل
فيه رصيد أو عمليات ما اترحّلتش
إشعار بس
بنك أو محفظة بلا تسوية
30 يوم من غير كشف معتمد
إشعار بس
شهر لم يُقفل
بعد يوم 10 (تغيّره) من الشهر اللي بعده
إشعار بس
شيك وارد يستحق
خلال الأيام اللي حددتها ولسه في الخزنة
إشعار بس
شيكات صادرة أكبر من رصيد بنكها
قبل استحقاقها
✔
شيك مرفوض / متأخر
عند الرفض، أو عدّى استحقاقه من غير تحصيل
المرفوض ✔
ملاحظاتتنبيهات الشيكات شغالة حتى من غير وحدة المحاسبة. ونفس الموضوع ما بيتبعتش مرتين. والمصروف الكبير بيتفحص كل ربع ساعة، والباقي مرة في اليوم.
12 الشيكات وجهات التحصيل في صف الدفع 30.10.0
أي شاشة تحصيل (الاستقبال، المتجر، المؤجلات، التأجير) ← صف الدفع
الهدف
تسجيل دفع بشيك أو عن طريق جهة تحصيل (فيزا عبر شركة، فوري، تقسيط...) صح من أول مرة، علشان الفلوس تقعد في الحساب الصح لحد ما توصل فعلاً (ليه؟).
مين يستخدمها
موظف الاستقبال والكاشير وقت التحصيل. والإعداد مرة واحدة من إعدادات المالية (طرق الدفع وجهات التحصيل).
الإعداد: في طرق الدفع اعمل طريقة من نوع "شيك" (البرنامج يربطها في كل فرع بحساب "شيكات تحت التحصيل")، وطرق جهات التحصيل مربوطة بجهتها وعمولتها.
وقت التحصيل — شيك: اختار طريقة الدفع "شيك"، فتظهر خانات رقم الشيك والبنك وتاريخ الاستحقاق (إجبارية). الشيك بيروح "شيكات تحت التحصيل" (1113) مش الخزنة. ونفس رقم الشيك وبنكه على أكتر من اشتراك = نفس الشيك (المبلغ بيتجمع).
وقت التحصيل — جهة تحصيل بالتقسيط: اختار الطريقة، فتظهر خانة مدة التقسيط (بالشهور) لو الجهة بتقسّط. المبلغ بيروح "مستحقات جهات التحصيل" (1104) لحد ما الجهة تورّد.
بعد كده: متابعة الشيك (إيداع، تحصيل، رفض) من شاشة الشيكات، وتوريد الجهة وعمولتها من التوريدات — جهات التحصيل في مجموعة الحسابات. الشيك المرفوض بيرجّع المبلغ دين على اللاعب، وبيوصل تنبيه للمالك.
ما تسجّلش الشيك "نقدي"لو اتسجل نقدي، الخزنة هتبان فيها فلوس مش موجودة، ولو الشيك اترفض الفرق هيظهر عجز في الوردية. وحسابات الشيكات وجهات التحصيل مش بتظهر في قوائم الصرف ولا بتتجمع مع النقدية.
13 التقرير المجمع للأندية 30.10.0
المحاسبة ← التقرير المجمع للأندية
الهدف
لصاحب أكتر من نادي على نفس الحساب: قائمة الدخل أو الميزانية لكل أنديته في جدول واحد، بعمود لكل نادي وعمود إجمالي.
مين يستخدمها
بتظهر بس لو عندك صلاحية القوائم المالية في ناديين أو أكتر متفعّل فيهم المحاسبة. لو عندك نادي واحد الشاشة مش بتظهر في القائمة أصلاً.
اختار قائمة الدخل أو الميزانية، والفترة، والمستوى.
الحسابات المتشابهة بتتجمع بالكود (410102 جيم في كل نادي = سطر واحد)، وكل نادي بفروعك فيه بس.
العملات: كل عملة لوحدها — الأندية بالريال تظهر لما تختار الريال.
تحويل تقريبي (اختياري): علّم "تحويل تقريبي" واكتب سعر كل عملة (مثلاً 1 ريال = 13 جنيه) فتتجمع كل الأندية في عملة واحدة. السعر للعرض دلوقتي بس وما بيتحفظش، والتقرير بيتكتب عليه "تحويل تقريبي". العملة اللي من غير سعر ما بتتجمعش واسمها بيتكتب.
طباعة A4 و80mm وPDF وExcel من نفس الشاشة.
مثال عملي: ناديين، واحد في القاهرة والتاني في الرياض
البند
نادي القاهرة (جنيه)
نادي الرياض (ريال × 13)
الإجمالي التقريبي
صافي الربح
900
400 × 13 = 5,200
6,100
صافي الربح المجمع (جنيه — تقريبي)
6,100
14 اسأل ميكا عن الأرقام 30.10.0
الهدف
أسئلة مالية بكلامك العادي، وميكا بيجاوب من نفس أرقام الشاشات.
مين يستخدمها
أي حد معاه وحدة المحاسبة — وميكا بيجاوب بصلاحياتك وفروعك بس (اللي ما يشوفش القوائم مش هياخد أرقامها من ميكا).